miércoles, 22 de septiembre de 2010

Zenbat CO2 sortzen dugu?

Ondorengo orri honek kalkulatzeko aukera ematen digu eta sortutakoa konpentsatzeko ere.
http://ceroco2.org/

2010/2011 ikasturtea

ESKOLAKO AGENDA 21: UHINAK (Kutsadura akustikoa edo Zarata, kutsadura elektromagnetikoa)

Ikasturte honetan ondorengo bi alderdi hauetaz arduratuko gara batez ere:

1. Zarata. Oso ezagunak dira kutsadura akustikoa edo zarataren eragin negatiboak osasunarengan. Zaratak bizi kalitatea txartzen du. Entzumena oso organo baliotsua da ingurumenarekin erlazionatzeko, eta merezi du zaintzea beraren bitartez informazio asko hartzen baitugu gure ingurutik. Zarata eza ondo bizitzeko baldintzatzat hartzea bultzatu nahi dugu aurtengo gaiarekin.



2. Kutsadura elektromagnetikoa. Kutsadura mota hau gizakiaren eraginez sortutako eremu elektromagnetikoek (EEM) ekoiztutako kutsadura da. EEMen ekoizleen artean elektrizitatea eta informazioa transmititzeko erabiltzen diren telebista-antenak, sakelako telefonoentzako antenak, sakelako telefonoak, WiFi eta WiMax bezalakoak daude. Kutsadura mota honen inguruan kezka eta eztabaida sortu da gizartean. Oraindik ez dira ezagutzen epe luzera zein eragin eduki ditzaketen EEM hauek.